20 décemb nout liberté…

chapeau

Zordi 20 decemb pou célèb’ nout liberté, nout fierté

Roulèr y fé sort’ nout colèr pour oubli nout malèr

Pikèr y libèr nout’ kèr pour nou dans’ sur nout’ misèr

Hier nou la souffert, zordi nou vé ri pour craz’ la vie

Kayamb y rend’ a nou gadiamb pou célèb’ 20 décemb

Vieux moun’ dans la kaz ek marmay y racont’ zistoir zesclav

zesclav’ te connait pas que soley  té y brill’ aussi pou li

Son coulèr té son prison son chaine té attach’ son lémotion

Dans son fond’kèr li té y prie bon dié pour sov’ a li

Zordi l’enfer lé fini mais nou  la pas oubli nout zancetre que la souffert

Et que la libère somin la vie pour donn’ a nou la lumièr’

Chaque réunionnais y doit rappeler que la liberté ça nou la gagné pour viv en frèr’

Noir ek blanc, blan ek noir

Oui nou la gagné le droit la liberté

Alors marmay oubli pas out lidentité

Respect la mémoir de ceux que la lutt’ pour donn a ou ce cadeau

Rentr’ dan’ rond mon dalon

Viens kraz’ un maloya, maloya la liberté

Fais dans’ out kèr, crie out joie, oublie la honte

Donn’ la main rest’ solidèr

Oublie pas que nou lé fier d’être réunionnais…

 

Bonne fête 20 décembre zot tout!

Maryse de Mes mots de vie

Rendez-vous sur Hellocoton !

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.